#القانون_بالدارجة: اشنو خاصك تعرف قبل ماتشري دار في البلان ؟ - البيع في طور الإنجاز-



بيع العقار في طور الانجاز أو ما يسمى بالدارجة الشريان على البلان هو عملية قانونية دارت باش من خلالها المنعش العقاري يقدر يبدا الخدمة و ياخد ف نفس الوقت التسبيق من عند المشترين باش يمول المشروع ديالو و نفس الوقت المشتري كايستافد من أنه كايقدر يص الدار بشوية بشوية حتى توجد.

كان واحد القانون لي كاينضم هاد المعاملة و هو القانون 44/00 ولكن كان فيه بزاف ديال الاشكالات كجميع القوانين لي كاتكون دارت أول مرة، هذا القانون تم التعويض ديالو بالقانون 107/12 و لي من خلالو نعطات ضمانات أكثر للمشتري نظرا لأنالقانون الأول ما كانش كايمنح ضمانات.

القانون 107/12 كايحتم على المشتري أنه يخلص بالطريقة التالية :
  • 5% عند امضاء العقد
  • 75% مقسومة على 4 ديال الدفعات على شكل المراحل التالية :
  1. ملي كايتبنى الساس ديال لعمارة أو كيف ما كايتسماو فالحرفة ديال البني les fondations .
  2. ملي كايكملو الأشغال الكبرى ديال العمارة gros oeuvre.
  3. ملي كايكل الفينيسيو و كاياخد المنعش العقاري رخصة السكن permis d’habitat.
  4. ملي كايعطيك الساروت خاص تكون بقات بيناتكم 20%.
المهم أي عقد ما فيهش هاد الشروط بالاضافة لأنه يكون محرر من طرف محامي معتمد أو موثق و مصادق عليه را لا يعتبر عقد لبيع عقار في طور الانجاز.

مهدي الزوات
  • معلومة قانونية كل يوم

    ".. فعدم تنفيذ الأحكام القضائية أو التماطل في التنفيذ يجر المرء إلى تفكير آخر و هو انحلال الدولة.."
    مقتطف من خطاب الحسن الثاني.

    أنت الزائر رقم :

    تابعنا على فيسبوك

    • adblock تم الكشف عن مانع الإعلانات

    موقع دروس القانون يعتمد فقط على الإعلانات كمصدر وحيد للدخل، فالمرجو تعطيل مانع الإعلانات وساعدنا في تقديم محتوى حصري لك. شكرًا لك على الدعم ❤️